पोखरा । ‘भूपू विद्यार्थीको एकता आजको आवश्यकता’ भन्ने मूलनारा लिई स्थापना भएको पोखरा महानगरपालिका वडा नं. १७ छोरेपाटन माविका पूर्व विद्यार्थीहरुको संस्था छोरेपाटन मावि भूपू विद्यार्थी मञ्चको प्रारम्भिक साधारण सभाले ११ सदस्यीय नयाँ कार्यसमिति चयन गरी शुक्रबार सम्पन्न भयो ।

नयाँ कार्यसमितिको अध्यक्षमा कृष्ण बहादुर रानाभाट, उपाध्यक्षमा हिमलाल उपाध्याय, सचिवमा शालिकराम भण्डारी, कोषाध्यक्षमा कविता गुरुङ, सहसचिवमा ज्योति हमाल, सदस्यहरुमा कृष्ण प्रसाद पोखरेल, कविता गुरुङ (कवि), शिवराज न्यौपाने, गणेश घर्ति क्षेत्री, रामचन्द्र वराल र छविलाल पनेरु सर्वसम्मत चयन भएका छन् ।

सो अवसरमा विद्यालयका प्रधानाध्यापक डिल्लीराम शर्मा, सहप्रधानाध्यापक मेघनाथ पौडेलले भूपू विद्यार्थी मञ्चले विद्यालय र समुदाय विचको पुलको काम गर्ने गरी गतिविधिहरु गर्न सुझाव दिनुका साथै विद्यालयको तर्फबाट आवश्यक सहयोग गरिने वताए ।

सभामा संस्थाका अध्यक्ष कृष्ण बहादुर रानाभाटको प्रगति प्रतिवेदन तथा कोषाध्यक्ष कविता गुरुङको आर्थिक प्रतिवेदन सर्वसम्मत पारित गरेको थियो ।

सभाले संस्थाको सदस्य शुल्कको वारेमा आगामि पुष २ गते हुने वृहत भूपू विद्यार्थी भेला तथा संस्थाको साधारण सभामा विधान परिवर्तनको प्रस्ताव लैजाने विषयमा वृहत छलफल गर्ने भएको छ ।

सोही अवसरमा हालै विद्यालयमा सम्पन्न शिक्षक नायक गोष्ठी तथा जुनियर युवा रेडक्रस सम्मेलनको लागि ५ हजार दिने बैठकको निर्णयलाई सभाले अनुमोदन गर्नुका साथै विद्यालयका ६ जना अति विपन्न परिवारका विद्यार्थीलाई स्कुल ड्रेस सहयोग गर्ने निर्णय गरेको कोषाध्यक्ष कविता गुरुङले वताइन ।

मञ्चका अध्यक्ष कृष्ण बहादुर रानाभाटको अध्यक्षतामा भएको कार्यक्रममा स्वागत हिमलाल उपाध्यायले र संचालन सचिव शालिकराम भण्डारीले गरेका थिए ।