प्रजातन्त्रवादी प्राध्यापक संघ नेपाल, पृथ्वीनारायण क्याम्पस एकाइ समितिको आयोजनामा ‘समसामयिक राजनीतिक अवस्थामा प्राध्यापकको भूमिका’ बिषयक अनतरक्रिया कार्यक्रम सम्पन्न भएको छ। प्रमुख वक्ता बरिष्ठ पत्रकार एवम् राजनीतिक विश्लेषक पुरुषोत्तम दाहालले वर्तमान सत्ता गठबन्धनको धरातलिय यथार्थ, विदेशी शक्ति केन्द्रको स्वार्थ, देशभित्रको परिस्थिति लगायतका विभिन्न आयामबारे गहिरो चिरफार गरेका थिए यसै गरी प्रजातन्त्रवादी प्राध्यापक संघ नेपालका केन्द्रीय सचिव डा. बिष्णु पोखरेलले विश्वविद्यालयको बर्तमान स्थिति, खुला प्रतिस्पर्धाको नाममा गरिएका अवान्छित चलखेललगायतका विभिन्न पक्षबारे चर्चा गरेका थिए। अन्तरक्रिया कार्यक्रममा प्रजातन्त्रवादी प्राध्यापक संघका केन्द्रीय उपाध्यक्ष कमलप्रसाद सापकोटा, प्रा डा कुसुमाकर न्यौपानेलगायतले बोलेका थिए। संघका अध्यक्ष देवीलाल शर्मा तिमिल्सिनाको अध्यक्षतामा भएको कार्यक्रमको सञ्चालन मदनप्रसाद वरालले गरेका थिए। कार्यक्रममा पृथ्वीनारायण क्याम्पस र विन्दुवासिनी संस्कृत क्याम्पसका करिब ४० जना प्राध्यापक सहभागी रहेको पृथ्वीनारायण क्याम्पसका उपप्राध्यापक विष्णुप्रसाद शर्माले जानकारी दिए।
